Google ADS

Marcelo mund të ribashkohet me Ronaldon te Al-Nassr

13:50 | 21 Janar 2023
K.B

Cristiano Ronaldo dhe Marcelo ishin pjesë e një brezi të artë gjatë kohës së tyre së bashku në Real Madrid.

Dyshja luajtën së bashku për nëntë vjet në kryeqytetin spanjoll dhe fituan trofe të shumtë, ku përfshiheshin katër tituj të Ligës së Kampionëve.

Kalimi i Ronaldos te Juventusi në vitin 2018 i dha fund kohës së tyre së bashku, dhe vetë Marcelo u largua nga Real Madridi vitin e kaluar dhe iu bashkua skuadrës greke, Olympiacos. Pavarësisht se nuk janë më bashkëlojtarë, të dy mbeten miq shumë të ngushtë.

Megjithatë, ata mund të jenë sërish në një skuadër. Sulmuesi portugez tani është pjesë e Al-Nassr, klub që ka shprehur interesim për mbrojtësin brazilian, sipas gazetarit Aaron Dominguez.

Tani, mbetet të shihet se kur klubi nga Arabia Saudite do të tentojnë nënshkrimin me 34-vjeçarin.

Marcelo me Olympiacosin ka kontratë të vlefshme deri më 30 qershor 2023.

Shpërndaje në rrjete sociale

Lajmet më të lexuara

Të ngjashme

Foto lajm